Ritlistarnámskeið

Að skrifa til að lifa (Byrjar fljótlega)

Þessi titill kom til mín vegna þess að mér fannst þetta ekki bara vera námskeið í að skrifa minningar en líka eru þetta skrif til sjálfsþekkingar og jafnvel sjálfsheilunar.

Þegar við skrifum um liðna atburði erum við oft að endurupplifa þá. Stundum eru það góðu stundirnar og stundum þær erfiðu sem við skrifum um. En hvort sem er þá erum við að taka skref til sjálfsþekkingar. 

Það að skrifa um liðna atburði og jafnvel áföll getur hjálpað mikið á því ferðalagi sem lífið er.

Það getur hjálpað til við að vinna úr tilfinningum sem stundum hafa setið fastar í tilfinningalíkamanum 

Það að orða tilfinningar og hugsanir um atvik eða atburði sem hafa haft mikil áhrif á okkur í gegn um tíðina getur verið byrjun á úrvinnslu á þessum tilfinningum sem sitja í líkamanum.

Sumir þurfa ekki endilega að vinna úr einhverju úr fortíðinni en þá er þetta námskeið þar sem fólk rifjar upp sér til ánægju atvik og atburði sem þeim þykja merkileg eða á einhvern hátt eftirminnileg.

Hvernig sem á það er litið er þetta námskeið ferðalag til sjálfsþekkingar og sjálsþroska.